Kohima administration aser police-i RMSA tesayurtem senshidaktsü

September 4, 2018 nü Census office Bayavü, Kohima nung NRMSATA Batch of 2016 züngsemtemi lungkak aitdang agiba noksa ka angur.

Kohima, Rongjui (September) 4 (TYO): Nagaland Education Mission Society, Rashtriya Madhyamik Shiksha Abhiyan (RMSA)-i RMSA tesayurtem indang itasen ajemba indang kuli agütsütsü merangaka, Nagaland RMSA Teachers Association (NRMSATA) batch of 2016 nungi tesayur 650 shi kati tanü Kohima nung lungkak aitba sentong agi.
Lungkak aitertem Directorate of School Education tonga maodang Census office junction nung District Administration aser Police-i parnok sot.
Iba mapang DIG (Range), SP Kohima aser district administration-i NRMSATA batch of 2016 tanishirtem dang timi senshitsü atema ashi.
Parnoki temelaba kecha melii lungkak aittsü adenshi aser lungkak aitra, tensa mejungi akümtsü akok ta ketdangsertemi tesayur lennirtem dang ashi. Iba sülen RMSA tesayurtem senshi.
Sorkari office memorandum ka agütsüba magizükba sayua RMSA tesayurtemi tanü lungkak aitba sentong agitsü ayonga liasü.
October 28, 2015 nü office notification agütsüba nung point 4 aser 6 dak alaka tanüngba onük ajak miimbanga ayur ta RMSA tesayurtemi ashir.
Külen, state mission authority nung osang ka ajanga ashiba agi tesayurtem mapa nung shimokdang telatetba aser teinyaktsü ajak mulunga agizük.
NRMSATA batch of 2016 tir Sao Venuh-i ashiba agi, “lungkak aitba sentong anenaka tarutsü nung onoki inyaka aotsü telemtetba ka agitsü.”