Kohima Ao Baptist Arogo-i tenla agütsü

Kohima, Metsüremi/March 27, 2020 (TYO): Tang alima ajunga asüba wara azüoktsü asoshi inyakertem kümzüka ayutsü mechi osettsüsettem alitsütsü atema, Kohima Ao Baptist Arogo-i Chief Secretary Temjen Toy IAS ajanga state sorkar nem sen lakh 3 tenla agütsüogo.
“Rongsen agütsüba den külemi Kohima Ao Baptist Arogo-isa, sensopurtem iba wara nungi kümzüka aser taneptsü agütsütsü atema bendanga agüja inyaker ajak nem teyari agütsütsü aser parnok mapa nung Tsüngremi len anitsü asoshi maneni sarasademtsüdar, ta KABA Senior Pastor, Dr. M. Asangba Longkumer-i sangdong ka nung ashi.