Kohima Ao Watsü teleni matamabensartem atema sentong ka agi

Kohima, April 23 (TYO) : April 23, 2016 nü Kohima Ao Watsü teleni ‘Reaching out to the Differently Abled Children & the Infirm’ omen nung ajemdaker Kohima nung sentong ka ayonga agiogo, ta sangdong ka ajanga metetdaktsü.
Iba sentong nung Kohima Ao Watsü teleni Kohima kübok aliba colony shia nungi matamabensar tanur asemsem shimteta sempet aser sen teyari agütsüba den parnok asoshi sarasademtsü.
Iba sentong kanga takok ngua agitetogo aser iba sentong asoshi tetenlar aser teyariteper ajak dang pelar, ta Kohima Watsu Telen-i sangdong nungsa ashi.