Kohima AVTS-i Mahindra Pick-up gari 5 angu

Dimapur, September 23 (TYO) : DEF Kohima nungi Anti-Vehicle Theft Squad (AVTS)-i garitem mita reprangdang Mahindra Pick-up pungu tashi apu.
NCRB database nung osang tejangja bushidang garitemji auyaba garitem ta bushitet. Garitem indang registration number temji- NL03A2960, NL08A9254, NL03A0341, NL05G0552 aser NL05G0553 lir, ta Sub-Divisional Police Officer (South) & PRO Kohima-i sangdong ka nung metetdaktsü.
NCRB database nungi bushitetba agi, temalen agüja aliba NL03A2960 gariji Guwahati, Assam nung samaba aser original registration number ji AS15C4225 lir. NL08A9254 gariji Bongaigaon, Assam nung samaba aser original registration number ji AS19C4649, NL03A0341 gariji Karbianglong, Assam nung, NL05G0552 gariji Ri-Bhoi, Meghalaya nung samaba aser original registration number ji ML10A9823 aser NL05G0553 gariji Sonitpur aser original registration number AS12E8631 lir ta bushitet.