Kohima, October 2 (TYO): Sorkari terenlok agütsüba wazüka aser kümzüka ayutsü nükjidong nung Officers’ Hill Colony Council (OHCC), Kohima-i anir lokti nübudoka war cemetery anasa aliba ‘box cutting’ tesem October 2 nü merükteta mungogo.
“Kohima ya memonui ‘smart city’ akümtsü anungji lokti meimer ajaki merükmeju tsütsü kanga nendaka aser bilema inyaktsüla koba ajanga sorkari terenlok bener arutsüba kümzüka yutettsü,” ta OHCC nung Tongti tezülur Choseta Swuro-i ashi.
Pai ashiba agi, sorkari nüburtem asoshi terenlok balala agütsür aser parnoki khen yanglua yutsüba sülenbo ibaji anepalua, wazüka aser kümzüka ayutsüji asenok mapa lir.
Tawa lanur ka tepsetbato dena lanur aikati iba tesem nung aonung arua ozüng alema mapa tamajung jenti benshir. Iba amala tatalokba noktangtsü asoshi OHCC-i kiyong nung aliba lanurtem nem iba tesem mitdaktsütsü, ta Swuro-isa ashi.
You must be logged in to post a comment Login