Kohima DC aser ARO-i sangdonger

Kohima, Monupii/May 26 (TYO): Tanü Kohima District kübok 8 Western Angami, 9 Kohima Town, 10 Northern Angami I, 11 Northern Angami II, 12 Tseminyu, 14 Southern Angami I aser 15 Southern Angami II Assembly segments indang votes ji Monupii/May 31, 2018 anepdang 8:00 ako nungi tenzüka Deputy Commissioner Office, Kohima azüngtsü, ta ketdangsertem osang ka ajanga metetdaktsü.
Iba dak sendakba nung Kohima Deputy Commissioner & Assistant Returning Officer, Rajesh Soundararajan IAS-i candidates ajak dang, temzüng kübok counting agents ji Form 18 nung shimtsüla- counting table shia atema kaka shimtsü, ta metetdaktsü.
Iba dak alia candidates dang counting centre telongtet metre 100 ji “pedestrian zone” asütsü aser gari kata memelatsü, ta kasa osang ajanga metetdaktsüogo.
Candidates, pa indang election agent aser pai shimba counting agents aser Election Commission/District Election Officer/Returning Officers-i tashi agüja aliba nisungtem ang photo identity card bener security ring indang mezüngbuba cordon adena aittsü melatsü.
Iba dak alia cellular phones, camera- still mesüra video (official recording nisung dak alaka) counting hall nung memelatsü; item ama osettemji bener arura counter nung ayutsü, ta kasa osang nung shia lir.