Kohima DC-i COPTA atema inyaktsü nenshia metetdaktsür

Kohima, October 06 (TYO): Kohima DC aser District Level Coordination Committee (DLCC) Kohima Mendenbuba, Rajesh Soundararajan IAS-i, India sorkar tetuyuba aser COPTA 2003 nung ajemdaker ita shia anabenbo Sections 4, 5, 6 & 7 dak sendakba nung mita aotsü metetdaktsü.
Section 4: lokti aliba tesem nung moko achitsü memelaba, Section :5- cigarettes aser moko chiyungtsütem advertise asütsü nokdangba, Section:- 6. (a) arishi küm 18 ser tekübokpur dang moko ayokba nokdangba, (b) shisaliok reju alidak yard 100 telongtet nung moko ayokba nokdangba aser Section 7:- moko yangluba aser supply asüba nokdangba mita aotsü metetdaktsü.
District Nodal Officer (NTCP) Kohima, Dr. Arenla Walling-i, COTPA 2003 kübok Section 4 takok ngua inyaktsü atema kobi melii Kohima district kübok tesem ajak mita aotsü, ta metetdaktsüogo.