Kohima DC-i election atema sangdonger

Kohima, Metsüremi/March 16 (TYO): Taruba Lok Sabha election dak sendakba nung Kohima Deputy Commissioner aser District Election Officer, Anoop Khinchi, IAS-i, linük temzüng kübok Arrla 326 ajanga India senso ajak nem Universal Adult Suffrage (vote agutsütsü temeden) agutsür aser Conduct of Elections 1961 indang Rule 39 ajanga voters-i pei vote miima agutsütsü tuyur, ta metetdaktsü.
Paisa, Representation of the people Act 1951 kübok Arrla 135A ajanga ‘booth capturing’ ji oüng alema lir ta shir, aser shirnoki iba ozüng nung aibelendir kümsük ka atema taajemba agi küm ka tepoukdak ayutsü amesüra küm asem tashi atsülangtsüa akok aser senchia achitsü, ta ametetdaktsü.
Paisa, yimjak nung village/ward/khel mesüra kin kari candidate ka/political party ka pusemtsü ta sangdongra aser electronic/print media nung sangdongra ibai ajanga temalen aguja aliba ozüngtem alema inyaker, ta metetdaktsü.
Iba dak sendakba nung DC-i, yimtsüng/ward / kin/ telok mesra media house kari danga temalen aguja aliba ozüngtem alema benshidir tapet ozüng agi merenshitsü, ta metetdaktsü.