Kohima DC-i Gaon Bora tem dang metetdaktsür

Dimapur, Metsüremi (March) 14 (TYO): Kohima DC, Rajesh Soundararajan, IAS-i Kohima District kübok Gaon Boras dang 2017-2018 atema Annual House Tax agütsütsü metetdaktsüogo.
Gaon Bora temi Metsüremi (march) 23, 2018 nü mesüra matongdang EAC (Sadar), Kohima, C. Wangan ket nung Annual House Tax agütsütsüla, ta paisa ashi.
House Tax ji bangdak GBs-i bendentsüla aser Village Council Chairman/Ward Chairman ajanga pei pei village/ward indang agütsütsüla, ta Kohima DC-isa metetdaktsü.
Mapang latettsüba nung House Tax magütsüba GB nem House Tax Commission aser Red Blankets sota ayutsü, ta paisa shisem.