Kohima DC-i GB tem dang metetdaktsür

Dimapur, January 12 (TYO) : Kohima Sadar Administrative circle (KMC Areas/Kohima/ Chedema/Chedema Model Village) kübok bangdak GB temi February 25, 2016 anogo matongdang 2015-2016 atema Annual House Tax agüjang ta Deputy Commissioner Kohima office-i sangdong ka nung metetdaktsü.

Bangdak GB temi pei pei tesem nung House Tax saruba sülen Village Council Chairman/ Ward Chairman ajanga SDO (Sadar) Kohima, Kethosituo Sekhose ket tongjang aser agüja aliba mapang nung House Tax magütsütetba GB tem indang House Tax Commission aser Red Blankets sota ayutsü, ta sangdong nungsa shia lir.