Kohima DC-i Hornbill Festival mapang plastic bag nokdanger

Kohima, November 02 (TYO): Kisama Complex nung ‘Hornbill Festival’ mapang Traders Road den High school Junction ama Complex nung Night Bazaar Stalls ji ‘Plastic Free Zone’ asütsü, ta shia Kohima Deputy Commissioner, Rajesh Soundararajan, IAS-i plastic bags, plates aser cups ajak mamshitsüla, kechiyong iba ya ajanga tzü mopung raksatsür aser kima yimdong menener, ta shia nokdangogo.
Deputy Commissioner-isa Government agency balala, business groups, entrepreneurs aser stall kibur ajak dang ibaji benshitsü aser paper bags, plaintain mesüra tou agi yangluba auso ama bio-degradable osettem amshitsü tuyuogo.
Iba tenokdangba alema inyaker nija aser teloktem nem tapet temerenshi agütsütsü, ta DC-isa metetdaktsü.