Kohima DC-i LED atsüktsü metetdaktsür

Kohima, October 29 (TYO) : Nagaland sorkari tenzüba inyakyim “Energy Efficient Nagaland” nükjidong takok ngua inyaktettsü aser benjong mapang power agi manüngtsü atema power kanga matsüba bulb tem amshitsüla.
Iba dak sendakba nung Kohima DC Rovilatuo Mor IAS-i, ki ajak nung aonung sangwa tsükloka ayuba light temji LED tubes/bulbs asütsüla; benjong mapang ki sobutsü ajak LED light asütsüla; dokan aser hotel tema telung ajak nung LED bulbs/tubes inoktsüla aser Hornbill, Kisama/IG Stadium/Night Carnival nung LED tang amshitsüla, ta metetdaktsüogo.
Rovilatuo Mor IAS-i, Kohima district kübok Village Councils/Wards/Colony tem nung ozüng amertem dang yim/Colony nung LED bulbs mesüra tube lights kwi nüngdanger metedakjang aser kasaji sen agütsür November 10, 2016 matongsa meshia bener oang, ta shiogo.
LED bulb (9W) ka jenjang sen 70 aser LED tube light ka jenjang sen 230 asütsü.