Kohima DC-i lenmang tiplen gari aser osetttsüset ayuba agientsü tuyur

Kohima, Luroi/August 02 (TYO): Kohima district nung tawa atalokba anentsüh lendong ajanga teraksa jenti aika ajuruogo aser iba ama mepaitoktetba lendong ajemdaktsütsü mesüra jenbutsü atema Kohima Deputy Commissioner, Rajesh Soundararajan IAS-i lenmang tezülen gari anendena ayuba, gari tejen mapang talangka anena ayuba, kisüjensüdang amshiba osettem agientsü atema tetuyuba agütsüogo. Tuyuba ama meinyakra ozüngi melaba ama district kübok tekolakpurtemi agientsütsü.
Iba temzüng alema nisung kari danga aibelenra ozüngi melaba ama merenshitsü. District nung kümzükba maparen sademsadema inyaktsü aser lendong tapu balala acha-ayangba mapang tetsükdaktsü majurutsü nükjidong nung iba tetuyuba agutsür, ta kasa osang ajanga metetdaktsü.