Kohima DC-i metetdaktsür

Dimapur, Rongchii/April 4 (TYO): 25/04/2020 nü sangdongba office Order NO.DCK/CON/COVID-19/2020/487 nung temelenshi tera bener arua Kohima Municipal Area kübok chiyongtsü ayokba dokan aser amtsük ayokba dokantem nüburtem atema anepdang 7:00 ako nungi 12:00 ako tashi lapoktsütsü tuyuogo. Maneni nüburtem kümzüka alitsü atema pei kiyong nung chiyongtsü ayokba dokan aser amtsük ayokba dokantem nung oa lichaliyongtsü asoshi DC-i metetdaktsüogo.
Iba tetuyuba ya osang agütsüba mapang nungi benoka inyaksangshitsü, ta kasa sangdong ajanga metetdaktsü.