Kohima DC-i metetdaktsür

Kohima, Tsüklai 08 (TYO): Kohima Deputy Commissioner aser DEO, Rajesh Soundararajan, IAS-i taruba Legislative Assembly election nung election duty atema mapa lemzükja aliba sorkar mapa inyakertem shirnoki temang manenba nung ajemdaker Election duty nungi sodi meshia lir, parnok ajak Tsüklai (February) 9, 2018 anepdang 10:00 ako nungi nikongdang 2:00 ako tashi nung Medical Board tsüngdangi arutsü tetuyuba agutsür; Tsüklai 9 anogo sülenbo application kecha magizüktsü, ta metetdaktsü.