Kohima DC-i moko mayoktsü tuyur; Kohima district nung COTPA 2003 benoker

Dimapur, May 18 (TYO) : Deputy Commissioner & DLCC Chairman Rovilatuo Mor, IAS-i May 31, 2016 nü World No Tobacco Day nung Kohima nung moko aliba tachitem mayoktsü tetuyuba ka agütsüogo.

Iba dak sendakba nung DC, Rovilatuo Mor-i dokan kibur ajak dang moko mayoktsü mepishia metetdaktsü aser aibelenertem ozüng tapet agi merenshitsü ta shisem.

Ano, Kohima DC-isa sangdong ka nung Kohima district nung COTPA 2003 ozüng alitsü metetdaktsüogo.

COPTA 2003 kübok Arrla 4 nung, public tesemtem nung moko machitsü, Arrla 5- (a) Arishi küm 18 ser teküpok alirtem dang Cigarettes mesüra tanga moko aliba tachitem advertise masütsü, (b) Shisaliok rejutem anasa metre 100 telongtet nung moko aliba tachitsütem mayoktsü, Arrla 7- Cigarettes aser tanga moko aliba tachitsütem supply aser distribution atema Trade & Commerce tenokdangba nungertem lir.

Kohima district nung dokan kibur ajaki COTPA 2003 nung Arrla 6 kübok nung shia aliba ama mapa inyaktsü DC-isa tetuyuba agütsüogo.