Kohima DC-i Nagabazar nung anentsü aludak semdang

Dimapur, August 30 (TYO) : August 30, 2015 nü Kohima Deputy Commissioner, Rovilatuo Mor IAS-i Nagabazar colony, Kohima nung anentsüh aludak semdangogo.
Pa ya District Disaster Management Authority (DDMA) nunga Chairman lir aser pai Panchayat aser lanur lennirtem den ajurutepa anentsüh osang metetpelaogo
District Administration aser DDMA nungi nüngdakba teyari angutsü atema osang tejangja agüjang ta Rovilatuo Mor-i tanü Panchayat ketdangsertem dang ashi.
Paisa iba tesem nung kilentzü aodak tangbanga aliba lapoktsü atema senotsü teyari agütsü.
Kohima Deputy Commissioner-isa Government Primary School, Lower Nagabazar aser leperleni aoba lenmang nung Open Culvert reprangdang. Iba Open Culvert ya pai acha-ayanga yangluba lir.
Nagabazar Panchayat-i Deputy Commissioner, Rovilatuo Mor dang pelaba metetdaktsü aser ano DDMA-i anentsüh timtem nung teyari agütsüba atema pelaba shisem.