Kohima DC-i ozüng alema süngdong melensüktsü metetdaktsü

Kohima, April 26 (TYO): Kohima DC, Anoop Khinchi, IAS-i, Kohima jila nung ozüng alema süngdong aika lensükba osang jangjaogo; telatetbatem alema süngdong lensükra ibaji Government Acts alema lir, kechiyong itemji ajanga alima raksatsür aser tzü-mopung lendong atalokdaktsür, ta metetdaktsü.
Iba dak sendakba nung pai, nüburtem kümzüka alitsü atema Kohima jila nung ozüng alema süngdong lensüktsü memelar, aibelenertem nem tapet ozüng nung ajemdaker temerenshi agütsütsü, ta metetdaktsü.