Kohima DC-i PHQ Junction nung curfew agiener

Dimapur, February 6 (TYO) : Kohima Deputy Commissioner office ajanga February 2, 2017 nü Old Minister’s Hill, PHQ Junction, Jail Colony aser Raj Bhavan area nung nisung 5 tema mesenzüktsü aser prangpong-injang mamshitsü tenokdangba ka agüja lir.
Nübortem tiptema senzüsenbongtsü aser tanurtem school-i olioratsü atema Deputy Commissioner & District Magistrate, Rajesh Soundararajan IAS-i February 6, 2017 anepdang 6:00 ako nungi PHQ Junction nung iba curfew agientsü metetdaktsür, ta tanü sangdong ka nung ashi.
Ajisüaka, tanüngba tesemtem nungbo tanga sangdong ka magütsü tashi tenokdangba maneni alitsü, ta paisa metetdaktsüogo.