Kohima DC-i sangdonger

Kohima, March 01 (TYO): Kohima DC aser Chairman DLCC Kohima, Gregory Thejawelie, NCS-i sangdong ka ajanga, COTPA 2003, Section IV ozüng kübok temang anema alibaren tsütsü police stations, public Transport, Prisons aser jails densema public aliba tesem ajak nung temesepba moko achitsüa melelar, ta metetdaktsü.
Paisa, police stations aser publice transport densema nisung aliba tesemtem nung temesepba moko kanga chitepba ya iba Act anema lir, ta ashi.
Iba dak sendakba nung pai Police aser Transport Department na dang iba ozüng tetuyuba angaa peipei tesem nung tenokdangba sign ayutsü asset tekümdangtsü osangtem zülua ayutsü metetdaktsü.
Sign board tasazükji tajemba agia 60cm x 30cm (3 x 2ft) asutsüla aser background ji temesüng agutsüla, ta kasa osang ajanga metetdaktsü.