Kohima DC-i sangdonger

Dimapur, Rongchii/April 8, (TYO): Kohima DC & DEO Anoop Khinchi, IAS-i sangdong ka ajanga, Representation of the People Act 1951 Section 126 nung shia aliba ama election nüboyimba mapang tembangba nungi election magizük tashi ghonda 48 tsüngda nüboyimba sentong kecha ayongzüka agitsü memelar ta metetdaktsüogo.
Anungji April 9, 2019 nü 4:00 ako nung nüboyimba sentong tembangba sülen political functionaries, party workers, procession functionaries aser campaign functionaries tem shirnok constituency nungi masü aser vote magütsütettsü parnok constituency toktsür aotsüla, ta paisa metetdaktsüogo.