Kohima DC-i sangdonger

Kohima, June 29 (TYO): Deputy Commissioner aser District Magistrate, Kohima, Rajesh Soundararajan, IAS-i nüburtem dang gari lenmang tezülen lung, lisem, lungro, süng tatsüktsü aser ali auba ama public materials raksatsüba ajanga kilentzü aodak tangbangba osang ketdangsertemi metetogo, ta metetdaktsü.
Item ama mapatemji Nagaland Highway Act, 1967 kübok section 21 & 54 aser Prevention of damage to public property Act, 1984 kübok Section 3(1) agi nokdanger, aser shirnokisa item section alema inyakdir, parnok anema National Highway Act, 1967, kübok Section 57, 58 aser 59, National Highway Act 1956 kübok Section 8B, Prevention of Damage to Public property Act, 1984 kübok Section 3 (2) aser Indian Penal Code, 1860 kübok Section 426 nung ajemdaker ken o akatsü, ta paisa metetdaktsü.
Anungji nüburtem kümzüka alitsü aser public kiojen kümzüka ayutsü atema Kohima District kübok gari lenmang aser Hioghways nung shishilembaba mesüra nija nüngdak atema itemji meinyaktsü nokdangba tetuyuba agütsüogo.
Kasa tetuyuba ajangasa, iba tetuyuba anema shirnoki inyakdir ozüng kübok tapet section nung ken o akatsü, ta ketdangsertemisa metetdaktsü.