Kohima DC-i senzüsenpongtsü tetuyuba agütsü

Dimapur, Chiteni/July 1 (TYO): Kohima Deputy Commissioner Gregory Thejawele, ACS-i sangdong ka ajanga, tang state nungi Kohima district-i aitertem ajak sorkar tetuyuba sülen anidaka COVID-19 tashidak tendangtsüla. Iba dak sendakba nung teküboklen agüja alaiba Army/Paramilitary units/sectors/HQs dang standard Medical Advisory/Procedure kübok state-i meyipa aruba sepaitem ajak dak tashidak tendangtsü asoshi tetuyuba agütsüogo.

1. 3rd Assam Rifle, Kohima
2. Central Reserve Police Force (CRPF), Chedema Kohima
3. 14th Assam Rifle, Chieswema Kohima
4. 5th Assam Rifle Sector, Chieswema Kohima
5. Border Security Force (BSF), Chedema Kohima
6. Border Roads Organization (BRO), Sechu Zubza Kohima

Army/Paramilitary units/sectors/HQs tema ajaki tashidak tendangba inyakyim takaratiba nung agitettsü asoshi Chief Medical Officer, Kohima den tongtepretapa pei Medical Officer(s) tem training adidaktsütsüla. Iba ken o dak sendakba nung jenjang agibatem ajak iba office nem tezüluba nung osang agütsütsüla, ajita asünundang jenjang tapet agiyonga otettsü, ta kasa sangdong ajanga metetdaktsü.