Kohima DC-i tetuyuba agütsür

Dimapur, Metsüremi/March 23 (TYO): Novel Corona Virus (COVID-19) tashidak prokshia aoba nokdangtsü aser kümdangshia alitsü atema Deputy Commissioner Kohima, Gregory Thejawelie NCS-i osang magütsü tashi nisung ajaki metsüngareta anidaka atatsü asoshi tetuyuba kar agütsüogo.Dimapur, Metsüremi/March 23 (TYO): Novel Corona Virus (COVID-19) tashidak prokshia aoba nokdangtsü aser kümdangshia alitsü atema Deputy Commissioner Kohima, Gregory Thejawelie NCS-i osang magütsü tashi nisung ajaki metsüngareta anidaka atatsü asoshi tetuyuba kar agütsüogo.Lenmang yangluba dak alaka kisü-jensü ajak anena atatsü. State adena orr tang tesem nungi kidangi meyipa aruba kaketshirtem ajak pei kidang lokti nungi pilar anogo  14 alitsü aser Kohima Helpline No. 8575563906/6909937493 den osang tejangjaba atema tongteprateptsüla. Maneni Village Council Chairman, Ward/Colony Chairman-i kasa osang ya agütsütsüla.Kasa sangdong nung buses, taxis, two wheeler taxis amala commercial passenger garitem (public aser private naprongla) mesenzüi atatsü. Medical facilities aser kidang tenüngdakba osettem lichaliyongtsüpur dak alaka nüburtem shinga yimtong nung mesenzütsü, security forces, medical equipments aser supplies aser tenüngdakba oset belentsüba dak alaka Khuzama nung Interstate entry point shibangtsü, Ajisüaka gari anir aser passenger tem ajak asadangtsü. Temalen agüja aliba tenokdangbatem küboki item telok maittsü: 1. IOC aser Petroleum PSUs, FCI, Home Guards & Civil Defence, BSNL, Private Telecom aser Internet Service Provider ajak aser parnok indang technical staff tem.2. LPG Dealers aser delivery, Private water tankers/carriers, lenmang yanglurtem.3. Lenmang yanglutsü atem oset-tsüt belenba garitem.