Kohima DC-i Village Council züngsemtem tenüng meshir

Dimapur, February 9 (TYO) : Kohima District kübok aliba yimtsüngtem ajaki February 29, 2016 matongdang Village Council züngsemtem shimtsü metetdaktsür, ta Kohima Deputy Commissioner, Rovilatuo Mor, IAS-i sangdong ka nung metetdaktsü.
Iba tetuyuba ya Nagaland Village and Tribal Council Rules, 1979 aser Nagaland Village and Tribal Councils Act, 1978 nung ajemdaker Kohima district kübok Government recognized Villages ajak nem agütsür, ta paisa metetdaktsü.
Yimtsüng kar nung tawa ang Village Council tentetba aser sorkari ano magizüki alirtem aser ano yim kari Village Council züngsem kasa dang aginüa lira, temzüng nung aliba ama Village Council indang züngsemtem tenüng agütsütsüla aser ibaji küm 5 kümsük atema asütsü, ta Kohima DC-isa sangdong nung shia lir.