Kohima & Dimapur nung curfew agiener

Dimapur, February 21 (TYO) : Kohima Deputy Commissioner aser District Magistrate, Rajesh Soundararajan IAS-i Old Minister’s Hill, Jail Colony aser Raj Bhavan area nung curfew ozüng agüja aliba agiener, ta sangdong ka nung metetdaktsü.
Kohima nung tensa mejungi akümba ajanga February 2, 2017 nü Section 144 CrPC ozüng agütsü saka tensa tajungba akümba ajanga iba ozüng agiener, ta sangdong nungsa shia lir.
Dimapur nunga Sec. 144 Cr.PC ozüng agüja aliba agiener, ta Limasunep, IPS Commissioner of Police, Dimapur-i sangdong ka nung metetdaktsüogo.
ULB Election onük ajanga tensa mejungi akümba aser JCC-i mokdang ayongba nung ajemdaker January 31, 2017 nungi Dimapur jila nungi Chumukedima tashi nung curfew ozüng agüja liasü, ajisüaka tensa tajungba akümba ajanga iba ozüngji agiener, ta Commissioner of Police, Dimapur-isa sangdong nung shia lir.