Kohima district atema training round tanabuba agir

Dimapur, Tsüklai/February 17 (TYO): Nagaland Legislative Assembly 2023 atema aruya aliba General Election asoshi shima aliba Polling Personnel/Grade-IV staff tem atema round tanabuba training anogo ana-nü agütsü tenzükogo. Iba training ya Kohima College, Kohima nung February 17 – 18, 2023 anogo nung agütsür.

February 17, 2023 nü training ya 8 Western Angami A/C, 10 Northern Angami-1 A/C, aser 11 Northern Angami-II A/C atema agi. Iba training ya Election General Observer, Janak Prasad Pathak-i semdanga liasü aser pa meina Deputy Commissioner & District Election Officer, Kohima, Shanavas C aser ADC & RO Kohima, Rhosietho Ngouri den danga ketdangsürtem arua liasü.

9 Kohima Town A/C, 14 Southern Angami-I A/C, aser 15 Southern Angami-II A/C atema shima aliba Polling Personnel/Grade-IV Staff tem asoshi training ya February 18, 2023 anepdang 10:00 ako nungi tenzüka Kohima College, Kohima, Billy Graham Road nung agitsü.