Kohima District Childline Advisory Board senden amen

May 28, 2019 nü Kohima Deputy Commissioner indang Office chamber nung Kohima district CHILDLINE Advisory Board senden amendang tangokba noksa nung angur.

Kohima, May 28 (TYO): May 28, 2019 nü Kohima Deputy Commissioner Kohima, Anoop Khinchi, IAS indang Office chamber nung Kohima district CHILDLINE Advisory Board senden menogo, ta ketdangsertem osang ka ajanga metetdaktsü.
Iba senden nung jembidang District Coordinator of CHILDLINE, Neingutuonuo Kulnu-i, taküm March ita tashi nung Kohima district CHILDLINE case intervention 500 dak tema liasü, ta metetdaktsü.
April 2015 nungi March 2019 tashi nung CHILDLINE case intervention indang osang metetdaktsüdang district Coordinator-i, CHILDLINE case intervention 500 dak temaji telemsa balala nung liasü, aser item rongnung medical teyari, tejenokdak, asüngsashidaktsüba, tanur anema inyakba nungi kümzükba, tanur samaba aser tsüraburi teyari meshiba densema lir, ta metetdaktsü.
Senden nung ‘CHILDLINE 1098 Night & Day’ onük nung PowerPoint presentation agütsüdang Neingutuonuo-i, teyari aser tekümzükba nüngdakba tanurtem atema CHILDLINE ya outreach service ka lir, aser tanur mesüra tain shirnoki teyari aginüra rongdak teyari atema 1098 dangi dial asütsü akok, ta metetdaktsü.
“CHILDLINE ya NGO Corporate partnership ka lir aser NGO network tulutiba den India nunger child help line tulutiba lir; iba ya India sorkar aser lokti tentet balala na tsüngda sendakteptsür ka lir,” ta laisa ashi.
CHILDLINE ajanga ki mali lenmang nung nemzüba tanurtem, tanur addicts, shisatsü nung tangar memenep tanurtem, mapa tasak inyaka aayanger tanurtem, lendong ajanga kongshiba tanurtem, HIV/AIDS keta aliba tanurtem, matamabensa tanurtem aser shibelenba tanurtem asoshi inyaker, ta lai ashi.
Laisa CHILDLINE 1098 intervention model aser inyakyim indang metetdakja liasü.
Nagaland nung CHILDLINE 1098 indang metetdakja lai, Dimapur nung aliba Community Educational Centre Society (CECS)-i 2011 küm tenzükba Prodigals Home, Dimapur, Nagaland Voluntary Health Association, Kohima (June 23, 2015 nung tenzükba) aser Care & Support Society, Mokokchung (June 1, 2018) den senteper nodal organisation ka ama inyaker, ta metetdaktsü.
Kasa senden nung item onük nung o lemtepa liasü: District Task Force Committee züngsemtem nem child laborindang orientation, adolescent Act/formation of Quick Reponse Team, tajungba amalitepa inyaktsü asoshi NHAK nung doctors aser nurses atema tanur dak sendakba Acts indang awareness aser sensitization Programme, CHILDLINE-i District Crime senden nung shilem agitsü, KMC lenmang aser railing nung CHILDLINE osangtem aser CHILDLINE rescue car onüktem nung o lemtep.