Kohima District Disaster Management senden menogo

Kohima, August 26 (TYO): August 24, 2017 nü Kohima Deputy Commissioner Kohima Conference Hall nung Kohima District Disaster Management ketdangsertem senden menogo, aser iba sendenji Kohima Deputy Commissioner, Rajesh Soundararajan, IAS leniba nung amen.
Senden nung DC-i, line department tem, agency tem, lokti tentettem-i format fill up asütsüla aser maparen ajakji District Collector-i amalitepa inyaktsü, ta metetdaktsü.
Iba senden nung jembiba onüktem rongnung Village Disaster Management Authority, Indian Disaster Resource Network, tzünglu aruba mongpu ajanga district nung teraksatsüba aser Disaster Management indang department balalai osang agütsüba onüktem nung o lemtepa liasü.
Kohima DIO, Lorin-i, line department den amalitepa inyaktsü ketdangserji District Magistrate kija lir, ta metetdaktsüba den külemi inventory data base atema State level coordination, online application ajanga data entry aser paper formats nung data collection indang metetdakja liasü.
Senden nungsa Road & Bridges, EE Power, PHE, Nagaland Emergency Preparedness Exercise (NEPEX), Nagaland State Disaster Management Authority (NSDMA) aser tanga department balalai tzüngluruwa mongpu nung teraksatsüba mapang parnoki inyakba osang metetdaktsü.
Deputy Commissioner-i züngsemtem dang format update ser September 15 nü tashi nung DC office nung agütsütsü nenshia metetdaktsü.