Kohima district kübok FLWs 208 nem COVID-19 mozü agütsü

Kohima district kübok IGAR HQ aser 93 BN BSF Chedema nung session sites amenoka alidak Front Line Workers tem COVID-19 mozü agiba mapang tangokba noksa nung angur.

Dimapur, Tsüklai/February 12 (TYO): Kohima district kübok IGAR HQ aser 93 BN BSF Chedema nung session site amenokdak February 12, 2021 nü Front Line Workers (FLWs) 208 nem COVID-19 mozü, COVISHIELD agütsüogo.

February 11, 2021 nü IGAR HQ, 14 AR Tsiesema aser 78 BN CRPF Sechu nung session site tem amenoka Front Line Worker 297 nem COVID-19 mozü agüja liasü.

Kohima district kübok tang tashinung session sites 43 nungi Front Line Worker aser Health Care Workers 1,018 aser 1,284 nem iba mozü ya agütsüogo, ta sangdong ka ajanga ashi.

District Immunization Officer (DIO) Kohima, Dr. Rupert Peseyie-i ashiba agi, February 13, 2021 anogo 78 BN CRPF, Sechü aser 93 BN BSF Chedema nung mozü agütsüba sentong agitsü.

Block Task Force pur atema COVID Vaccine indang sensitization sentongtem tenzükogo aser ano February 13, 2021 nü Anganwadi Workers (AWW) 200 nem iba sentong ayongzüktsütsü aser February 17, 2021 nü police unit ajunga aser iba sülen ano Administrative staff aser District Task Force pur nema iba sentong ayongzüktsütsü, ta District Immunization Officer ajangasa ashi.