Kohima district nung ango aser tsüngren-akong bener arua ayoktsü memelar

Dimapur, Chiteni/July 03 (Agencies): Tawa tanü shishilembaba tesemtem nung Formalin mozü nung metenba ango bushitetba ajanga ango aser tsüngren-akongtem bener arua Kohima district nung ayokba nokdanger, ta Deputy Commissioner Kohima, Rajesh Soundararajan, IAS ajanga sangdong ka nung metetdaktsü.
Iba tenokdangba nung aibelenertem ozüng nung aliba ama tapet temerenshi agütsütsü, ta paisa sangdong nung shia lir. Iba totuyuba shidak amshitsü/inyaktsü asoshi Kohima DC-isa Kohima Municipal Council Administrator nem mapa nungloktsüogo.