Kohima district nung ki o jen yangluba tesemtem nembanga ayutsü metetdaktsür

Dimapur, Mongputeni/Oct. 30 (TYO): Kohima District Magistrate, B. Henok Buchem-i Kohima Distrcit nung ki o jen yangluba firms, agencies aser nüburtem dang tekeraba nung ki o jen yangluba tesemtem nembanga ayutsü metetdaktsü.

Tesüiba mapang metetdakja aliba nenshia October 29, 2026 nü totuyuba ka agütsüba nung, tang ki o jen teyangludak aliba tesemtem perimeter hoarding, debris netting, scaffolding shrink-wrap, Monarflex sheet amala amshia nembanga ayutsü mesüra tapet mera agitsü metetdaktsü.

Nüburtem anema alitsü, senzüsemponger aser mapa inyaker tem kumzüka ayutsü asoshi item mera ya tongtipang lir aser aoyi aser jana agi libajen menentsüba ajema kumdaktsür, ta ashi.

Item totuyuba sülen manidaker nem ozüng agi mela aliba ama tapet temerenshi agütsütsü, ta District Magistrate ajanga ashi.

Public safety standards den lirumedema tangsa inyaktsü asoshi ki o jen yanglur aser contractors nem tekumdangtsü tatembangba amai iba sangdong ka agütsür, ta ashi.