Kohima district nung National Lok Adalat agiogo

Kohima, April 08 (TYO): Honibarnü District Court, Kohima nung Kohima District Legal Services Authority (KDLSA)-i ken o balala aika atema National Lok Adalat ayongzüka agiogo.
NJS, Chief Judicial Magistrate, Kohima & Secretary, KDLSA, Victo Sema presiding Officer liasü aser Panel Lawyer, Thejapfutuo Khezhie aser Panel Lawyer, KDLSA Nancy Lotha na conciliator liasü.
Ken otem metenzükdang Victo Sema-i okila jembi aser Lok Adalat maongkatem aser tajangzüktem metetdaktsü.
Pai ashiba agi, sen meintoki melamela ken o bentettsü atema iba ya sabang tajung ka lir.
Tanü Lok Adalat nung ken o ajak agi 67 liasü, aser item rongnung ken o 65 bank recovery kenotem aser tanüngba ken o anaji criminal compoundable ken o liasü.
Item rongnung jagi ken o tenet bentet- bank recovery ken o pongu aser criminal compoundable ken o ka liasü. Iba nungji sen 2.35, 649.2. sendaka liasü.