Kohima district nung power tiller aser brush cutter agütsü

District Agriculture Office Kohima-i September 7, 2018 nü SMAM 2017-18  kübok power tiller aser brush cutter lema agütsüdang agiba noksa angur. 

Dimapur, Rongjui (September) 7 (TYO): District Agriculture Office Kohima-i September 7, 2018 nü SMAM 2017-18 kübok power tiller aser brush cutter alemba sentong ka agi.
Sentong nung mendenji SDAO Kohima, Kekhrieletuo Yhome liasü. Pai kol angurtem dang “aluyimba mapa nung koltem kanga tongtipang lir anungji kol anguba nung tajangzük lia amshitsü aser anameta aliba aluyimertema yaritsü ayongzüker” ta ashi.
Joint Director & DAO Kohima Vizonyu Liezie-ia farm machinery balala ajanga nübo aika kümzüker aser tsünütsü teimba tsünüteter ta ashi.
Iba sentong nung power tiller angur kati pai inyakba mapa indang osang metetdaktsü aser power tiller ka kanga nüngdaka lia department-i ibaji pa nem agütsü ta ashi.
Iba ajanga pai alu tuluba akümtsü aser tanga aluyimertem yaritsü ta paisa shisem.
SDAO Chiephobozou, Seyievono-i taoba mapang power tiller angurtemi takok anguba indang osang metetdaktsü.
Tanü iba sentong nung Kohima District kübok aluyimer 27 nem teyari balala agütsü.