Kohima District omen ken sayaogo

Kohima, March 27 (TYO): Clean election atema Kohima district omen ken ‘Be the One’ tanü ADC Hqr aser Nodal Officer SVEEP, Kohima, Lithrongla Tongpi Rutsa den ken mejemsang Project Director Music Task, Dr. Hovithal Sothu nati ADC’s Office, Kohima nung sayatsüogo, ta ketdangsertem osang ka ajanga metetdaktsü.
Iba ken ya Dr. Hovithal Sothu-i mejem, Penta School of Music nungi Lozinü-i music inok aser Lüdinü o Vizünü nati aden.
“Be the One” ken ajanga nüburtem dang election mapang nung kanga junga shisadanger tarutsü atema tetemsü lenir shimtsü ajungshir.