Kohima District Planning & Dev. Board senden amen

August 29, 2019 nü Kohima DPDB senden nung Chairman DPDB Kohima aser Advisor Urban Development & Municipal Affairs, Dr. Neikesale Nicky Kire aser Board züngsemtem adenba noksa nung angur. 

Kohima, August 29 (TYO): August 29, 2019 nü Kohima nung DPDB conference hall nung August ita atema Kohima District Planning & Development Board senden menogo.
Senden tenzüka society troki parnok nükjidongtem metetdakja Nagaland sorkar kübok register asütsü atema mepishi.
Itemji asadangba sülen board-i society trokji sorkar matsüngdang benoktsü lemteta liasü.
Senden nungsa Kezieke Kohima nung Koinonia Baptist School amenoktsü atema asadangtsü asoshi ADC Kohima, Lithrongla Tongpi Rutsa convener ser traffic police Kohima, police department aser school education department nungi züngsemtem shima committee ka tentet.
Board-isa Chiephobozou Local Body agi Urban Station akümtsü atema o lemtepba den külemi Christian School, Tseminyu Old Town nem Grant-in-Aid agütsütsü atema asadangba sülen department nungi züngsem shinga maliba ajanga taruba senden nung tembanga jembitsü lemtet.
DC Kohima aser vice chairman DPDB, Gregory Thejawelie Sote-i scheme balala, projects aser assembly constituency tenet nung LADP 2019-2020 atema senotsü teyari atema tongmelang agi metetdaktsüba sülen Board züngsemtemi agizük.