Kohima DPDB April ita atema senden amen

April 18, 2017 nü Kohima DPDB senden nung Er. P Jakpou Khiamniungan PRE, EE (Rural) Kohima-i department indang osang metetdaktsüdang agiba noksa angur.

Dimapur, April 18 (Agencies): Kohima District Planning & Development Board April ita atema April 18, 2017 nü DPDB Hall, Kohima nung senden menogo.
Iba senden ya ADC HQ Lithrongla Tongpi lenisüba kübok amen. Taoba senden minutes nung ‘attendance report’ reprangshidang ADC-i züngsemtem dang senden nung medentettsüsa kümra DPDB Chairman mesüra Vice-chairman nem tezüluba nung metetdaktsütsü asoshi lepshia ashiba den külemi iba telatetba nung manidakteter nem temerenshi agütsütsü asoshi board-i ketdangsertem nem tezüluba nung metetdaktsütsü.
Laisa maneni züngsemtem dang parnok department profile ADC Planning nem LADP booklet atema agütsütsü asoshi metetdaktsü.
Village aser Ward Adoption Committee dak sendakba nung ADC-i tesentepertem dang ashiba agi, committee Adopt asütsüba sentong Kohima DPDB-i achaayangbaji Central Ministry-i agizükogo aser Prime Minister award atema shimogo.
Iba kasaji ‘coffee table’ kaket ka nung inoksemtsü koba April 21 nü vice-chancellor of India-i sayatsü. Lai maneni Convener tem dang parnok mapa December tashi nungbo tembangtsü asoshi mepishi.
Vice-Chairman DPDB & ADC Planning, Ketoho Luho-i village aser ward Adoption committee indang tebilemba aser report züngsemtem nem agüja liasü. Pai ano adoption of villages aser ward guideline booklet alem.
Board-i Peraciezie colony, high school ward nung electrical yindong talila ka inoktsü asoshi lemteba liasü.
Senden nung item loktitem sorkar den maneni züngsemshitsüba aser tasen züngsemtsüba atema benoka liasü. Loktitem yamai alitsü:
1. Guardian Foundation Society, New market colony, Kohima
2. Little Angels society, near DPHSS Kohima village
3. Formation Society, Lower Bayavu Colony kohima
4. Asia Harvest Alliance society, upper Chandmari Kohima.
AEO Kohima, R. Mhathung-i state electotal-roll nung nisung mali sürnung tenüng züluokba indang metetdaktsüba den külemi iba dak sendakba nung ACAUT Nagaland nungi Department dangi shidi züluba agizükba metetdaktsü.
ACAUT Nagaland-i parnok sentong nung aliba ama tiyazü tenüng züngoksema aliba dak sendakba nung district ajak semdangtsü.
R. Mhathung-isa senden adenertem dang pei pei department nung tenüng tanaben züluokshiba ya Peoples Act kübok melaa mali ta tekümdangtsü agütsütsü asoshi mepishia metetdaktsü. Paisa pei department nung aliba staff tem nem iba dak sendakba nung tangazükba agütsütsü asoshi shisem.
Er. P.Jakpou Khiamniungan PHE, EE (Rural)-i Kohima nung tzü belenshiba dak sendakba nung power point presentation ka sayua liasü.
ADC-i Kohima College Principal dang par college indang inyakyim taruba DPDB senden nung metetdaktsü atema mapa lemzüktsü.