Kohima DPDB senden amen

Kohima, Metsüremi/March 15 (TYO): March 15, 2019 nü Kohima DPDB Conference Hall nung Kohima District Planning & Development Board senden menogo, ta ketdangsertem osang ka ajanga metetdaktsü.
Iba senden nung Kohima Deputy Commissioner, Anoop Khinchi, IAS-i DPDB züngsemtem dang iba senden süoki ia agitsüla aser medema adentsüla; senden nung teti madenertem nem temerenshi agutsütsü, ta metetdaktsü.
Paisa Department of Agriculture aser Department of Industry na dang taruba DPDB senden nung Department-i inyaka aruba osangtem agutsütsü metetdaktsü.
Senden tembangba sülen tang tagidak awareness campaign “Know Your EVM & VVPAT” dak sendakba nung mock drill agia liasü.