Kohima DPDB senden menogo

Dimapur, Mongputeni/October 15 (TYO): October ita atema Kohima District Planning and Development Board (DPDB) senden October 15 nü Advisor Urban Development & DPDB Chairman, Neikiesalie Nicky Kire lenisüba kübok DPDB Hall, Conference Hall, Kohima nung menogo.
Taoba senden minutes lepa reprangshiba mapang District Level Awards Committee aser Inter Departmental Sports Meet Committee dang taruba senden nung parnok senden osang board nem metetdaktsütsü tuyu. DPDB Vice Chairman aser DC Kohima, Gregory Thejawelie NCS-i departmental profile mebenokba department dang profile mebenokba kuli agütsütsü ashiba den takaratiba nung benoktsü ashi.
Adoption Committee 2019-2020 dak sendakba nung Committee temi parnoki adopt asüba yimtsüngtem benok. Yimtsüngtem rongnung 8 Western Angami A/C kübok SechüZubza; 9 Kohima Town A/C kübok Lower PWD; 10 Northern Angami-I A/C kübok Chedema Model Village; 11 Northern Angami-II A/C kübok Zhadima village; 14 Southern Angami-I A/C kübok Kigwema Village aser 15 Southern Angami A/C kübok Kedima Village densema lir.
Plastic amshitsü nokdangba dak sendakba nung Vice Chairman DPDB & DC, Kohima-i züngsemtem dang October 4 nü Kohima jila nung tenokdangba agütsür aliba plastic oset-tem bushia ogo, ta metetdaktsü. Paisa, mapang shia iba inyakyim benoka inyaktsü ta ashi. DC-isa, züngsemtem dang pei office nung item plastic osettem mamshitsü asoshi mepeshia metetdaktsü.
Senden nungsa Nagaland Veterinarians Association, Tacü Clan Society and Kohima Ao OfficertemTelongjem (KAOT) registration asütsü atema sorkar dangi abentsü telemtetba agi. Kasa mapang nung taruba DPDB senden den Day out sentong Touphema nung agitsü lemtet.
Maneni DC-i, Kohima kübok Government Department balala tekolaktem atema Accessible India Campaign (AIC) sensitization and awareness campaign programme October 18 nü 10:39 ako nungi tenzüka NPWD Kohima Cafeteria Hall nung agitsü ta metetdaktsüba den iba dak sendaka aliba ketdangser ajak dang iba sentong nung jangrabangraa arua adentsü mepeshi, ta DPRO Kohima sangdong ka ajanga metetdaktsü.