Kohima DPDB senden nung luden balalai osang agütsü

Kohima, August 17 (TYO): August 17, 2017 nü DPDB Hall, Kohima nung Kohima District Planning & Development Board (DPDB) senden menogo.
Senden nung Kohima DC, Rajesh Soundararajan, IAS-i Prime Minister’s New India Policy dak sendakba nung züngsem ajak dang asalentong yanglua Sept. 20 tashi nung soft, hard copy ADC, Headquarter nung agütsütsü metetdaktsü.
Ali atsünga agiba onük nung pai züngsemtem dang pa indang office nungi format form agizüktsü aser kasaji office nung agütsütsü metetdaktsü.
CEO dang taruba DPDB senden nung Dept-i inyakba osang agütsütsü metetdaktsü.
Senden nungsa Adoption of Village/Ward committee balalai osang agüja liasü.
Board-isa society tenet registration agitsü benokba indang lemtepa liasü, aser item societies ji- Bodo Welfare Society, New Market, Kohima, Grace Academy of Music Kohima, Kezieke, Kohima, Creative Academy of Music, Kohima, Southern Angami Isable Parents Association, Viswema Village, Baptist Church Khonoma Society, Khonoma Village, V.T. Nuomia Society, Jakhama Village aser CIEKHAN Society, Agri-farm Colony, Kohima lir. Item societies registration agizüktsü atema tim dept. nem agütsütsü lemteta liasü.