Kohima DPDB Xmas jeli sentong agitsü

Kohima, Yimpoksüi/November 12 (TYO): November 14, 2018 nü Tora Kezoma nung Kohima District Planning & Development Board Day out den Khristmas jeli sentong repsema agitsü, ta ketdangsertem osang ka ajanga metetdaktsü.
Iba sentong ya Kohima Deputy Commissioner & Vice Chairman DPDB, Rajesh Soundararajan leniba nung agitsü aser Kezoma Baptist Church Pastor, Soleho Kiso-i sarasademtsü.
Sentong nung Advisor Youth Resources & Sports & Chairman DPDB Kohima, Er. Zale Neikha-i salem osang abentsü aser Vihesanuo, BDO, Kohima-i ken ka atentsü.
Ano Advisor AH & Vety and Women Resource Development, R. Khing aser Advisor Rural Development, Dr. Nicky Kire nati o tasütsü jembitsü. DPO (Planning Kohima), Heiswading Liegise-i tepela anküp o jembiba sülen Khristmas Gift Exchange agir chiyungteptsü.
Iba dak sendakba nung Board züngsem ajak dang sentong agitsü aliba tesemi aotsü atema anepdang 10:00 ako nung Phesama Police check Gate nung adenshitsü metetdaktsüogo.