Kohima DTF COVID-19 senden amen

Kohima, Aami/June 16, 2020 (TYO): Hombarnü, Kohima DC office nung Kohima District Task Force COVID-19 senden ka ayonga agiogo.
Tanga state nungi arurtem, shirnok Paid Quarantine aser Institutional Quarantine nungi anaben tashi tendanger tashidak meputet, Kohima aser tanga District atema parnok ya yokadoktsü asoshi Chief Secretary ajanga agütsüba tetuyuba dak sendakba nung ajemdaker jembishinütsü asoshi iba senden agia liasü.
Iba senden nung, Deputy Commissioner aser DTF Kohima indang Chairman, Gregory Thejawelie-i, kasa inyakyim atema tetuyubatem Chief secretary War room dangi yokogo aser Chief Secretary ajanga melaba sülen, DTF-i pei pei district nung centre tem den longjemer inyaktsü aser centre tem nung alir, shirnok tashidak mali parnok pei pei kidangi yoktsü asoshi maparen achaayangtsü, ta tongmelang agi rasa ashi.
Institutional quarantine centre aser Paid Quarantine centre nungi anaben tashi tetendangba agir tashidak malir tem yokadoktsü asoshi Zuhneboto, Kohima, Tuensang, Phek aser Mokokchung district atema nisung 59 tenüng agütsüogo.
Iba senden nung Quarantine centers aser paid quarantine center achaayangertem aruagi denogo, ta sangdong ajanga metetdaktsü.