Kohima Excise ketdangsertemi yi aika apu

Dimapur, May 30 (TYO) : May 28, 2016 anepdang Kohima Excise ketdangsertemi Peducha check post nung Can beer tejang 6,960 apu, ta Asstt. Commissioner of Excise (Admn.), Nagaland, Dimapur sangdong ka nung metetdaktsü.
Ozüng alema shibelenba yiji Manipur-i aoba truck gari (MN01 9874) ka nung bena liasü. Iba dak sendakba nung nisung ana apu aser tenaji Padam Sharma aser Hanjeet Singh na lir ta jangjaogo aser NLTP Act ’89 kübok tena anema ken o benoker maneni bushisüngdang südar, ta sangdong nungsa shia lir.