Kohima Football League nung Nagabazar FC-i takok angu

Kohima, August 11 (TYO): Kohima Local Ground nung Kohima Town Club-i ayongba Kohima Football League nung tanü Nagabazar Football Club aser Power Comm Football Clubtsüngta asaya nung Nagabazar FC-i takok angu. Iba asaya nung Nagabazar FC-i goal ka agütsütet saka Power Comm FC-i iba goal mükepzükteti asaya tembang.
Mezüng asaya nung telok anaprong-i kanga junga asaya goal kata magütsütet. Saka asaya tenzüker minute 72buba nung Nagabazar FC nungi Ketholetuo Dzeyie-i goal ka agütsüteta par telok point asem ngutet.
August 12 Match: New Market FC v/s Ziekezou SC @ 3:00PM