Kohima Football League osang

Kohima, August 18 (Agencies): Kohima Town Club-i ayongba Kohima Football League Holkulbarnü asayaba nung Power Comm FC aser Nagabazar FC-i takok angu.
Hokulbarnü Kohima Football League mezüng asaya nung Nagabazar FC-i New Market FC madak 2-1 agi takok ngua iba league nung par telok asoshi tanabuba takok ngutet. Iba asaya tenzüker minute 34buba nung New Market FC nungi Chisie Nyusou-i mezüng goal agütsütet aser mezüng asaya tembang. Saka iba asaya tanabuba shilem nung Nagabazar FC terenemshi balaka nung arua minute 68buba nung Kezhose aser minute 71buba nung Razoulhulie Rosario Tote nati goal kaka yokteta iba asaya tembang.
Asayar yimya tajung mamshiba ajanga minute 57buba nung New Market FC nungi Achama Shitiri (23) aser Nagabazar FC nungi Ketholetuo Dzeyie (7) na nem referee-i tekümdangtsü metetdaktsü.
Kasa anogo tanabuba asaya nung Power Comm FC teloki Addax FC madak 3-1 agi koka par telok asoshi iba asayamung nung mezüngbuba points asem angu.
Power Comm nungi goal asemprong ya Yhunshalo Kemp kisüngi minute 4, 60 aser 85buba nung agüja iba asayamung nung mezüngbuba hat-trick goal agütsür aküm.
Addax FC telok nungi asaya tenzüker minute 41buba nung Imlongchaba-i goal ka agütsüba dak alaka par telok nungi goal kata magütsütet.
Iba asaya tenzüker minute 62buba nung Power Comm telok nungi Dzesengulie Dul aser aser tanabuba asaya mapang apuloktsüba nung Addax FC nungi Mezhüsietuo Sekhose na nem temerenshi agütsü. Hokulbarnü asaya nung match patron ya Touch Enterprise Kohima indang proprietor, Kelhou Suohu liasü.
August 19 nü asaya yamai alitsü:
Forerunners’ FC vs Khriekesa FC @ 1:00 PM
Ziekezou SC vs United 16 FC @ 3:00 PM