Kohima Football League: Ziekezou SC aser Addax FC nati kokogo

August 16, 2017 nü Ziekezou SC aser Forerunners FC  na asayaba noksa nung angur

Kohima, August 16 (TYO): Mezüngbuba Kohima Football League tanü asaya nung Ziekezou Sporting Club aser Addax Football Club, D Khel Kohima Village nati pei tata asaya koka point asemsem ngutetogo. Iba asayamong ya Kohima Town Club-i ayongzükba lir.

Tasembuba round mezüngbuba asaya nung Ziekezou SC puri Forerunners FC goal asem agi ayong ayonga kokogo. Asaya mezüngbuba shilem nung telok anapronglai goal kata magütsütet, ajisüaka asaya tanabuba shilem nung H. Tingnyek Konyak-i minute 55buba nung mezüngbuba goal agütsü aser iba sülen minute 76 buba nung Vilhoubeituo Yhome-i aser minute 82buba nung Khakevi Assumi-i ta goal agütsü.

Tanü asaya tanabuba nung Addax FC aser Nagabazar FC na asayaa liasü. Asaya nung Addax FC puri goal ana agi Nagabazar FC madak takok angu. Asaya tenzüker minute 26 buba nung Nagabazar nungi asayar Razoulhulie Rosario Sote-i mezüngbuba goal agütsü aser iba sülen asaya tepeyong parnoki dang asaya amokbanger asayaa aru saka asaya tanabuba shilem nung mapang apuloktsür asayaba mapang nung Khriekethozo Keretsü-i goal ka agüja score kasa aküm aser iba sülen Imlongchaba-i tanabuba goal agüja parnoki iba asaya akok.

Asayar yimya amshia masayaba atema Addax FC nungi asayar Medoneituo Sekhose, Imlongchaba aser Khriekethozo Keretsü nunger nem yellow card kaka agütsü.

Taoba Kohima Village Students’ Union tir Zedikuolie Kire iba asaya nung tetushi tesemdanger asü.

August 17 nü asaya yamai alitsü:

1.      Power Comm FC vs United 16 FC @ 1PM
2.      New Market FC vs Khriekesa FC @ 3:00 PM