Kohima: High School Ward Get Together & Sports Meet agiogo

Kohima, November 05 (TYO): Kohima DPDB kübok High School Ward Adoption Committee-i ayonga, High School Ground nung High School Ward Get Together & Sports Meet tanü, Honibar nü agiogo.
High School Ward kübok Colony 6 pronglai shilem agiba saisapong sentong nung Nagaland Parliamentary Secretary, Youth Resources & Sports, Lotteries, MTF & Kohima DPDB Chairman, Khriehu Liezietsu tongti tesemdanger liasü.
“Ward Adoption Committee-i ward jenjang temaba jenjang nung ajungkettsütsüsa bendanga agüja inyakba atema pelaba lemsateper. Kiyong merüktettsü aser angati Health Camp densema, küm tepiyong sentong balala ayonga agiba sülen tan tatemsüa telungjem aser saisapong sentong ayonga agiba ajanga kiyong nung alir ajunga ajangzükogo ta amanger,” ta tongti tesemdangeri metetdaktsü.
Tongti tesemdangerisa tanü tetoktepba balala nung takok angur nem tenüngsang agütsüba den takok angurtem nem senpet/sempet agüja liasü.
Tan tetoktepba kübok volleyball final nung Zienuobadze colony-i Peraciezie colony tsükdaktsü aser tetsür telok arr-atsüteptsü tetoktepba nung Sepfüzou colony tsürtemi Perizie colony telok madak takok angu.