Kohima Inter-School Football asayamung osang

Kohima, Chiteni/July 3 (TYO): 3buba Kohima District Inter School Football Tournament IG Stadium nung tanü asaya nung John Higher Secondary School aser Dainty Buds School nati pei tata asayakokogo.
Tanü mezüngbuba asaya nung skipper Vichüto Phira-i goal ana idakja John HSS Viswema-i goal 4-0 agi Grace HSS ayong ayonga kokogo
Asaya nung mezüngbuba goal ya Vilu Theyo-i minute 18buba nung idaktsür asaya mezüngbuba shilem tembang. Lemon break sülen minute ka tsüngda Vichüto Phira-i par telok asoshi tanabuba goal idaktsü. Iba sülen Vizakrüto Sothu-i minute 34buba nung goal tasembuba idaktsü aser captain Phira-i minute 36buba nung par telok asoshi goal 4buba aser pa asoshi goal tanabuba idakja parnoki asaya ayong ayonga kokogo.
Tanabuba asaya nung Dainty Buds School puri goal 2-0 agi Bethel HSS madak takok angu. Asaya mezüngbuba shilem nung telok kati danga goal magütsüteti asaya tembang saka asaya tanabuba shilem tenzüker minute anabuba nung Captain Dziesekhotuo-i Dainty Buds pur atema mezüngbuba goal idaktsü aser iba sülen Thejanguzo-i minute 51buba nung tanabuba goal idakja parnok round of 16-i iogo.
July 4 nü asaya yamai alitsü:
Baptist HSS Tseminyu vs St. Mary’s Cathedral HSS @ 1:00 pm
Christ King HSS vs Loyola HSS @ 2:40 pm