Kohima kübok Football Club tem jaoker

Dimapur, Metsüremi 24 (TYO): Kohima Football League 2buba edition nung shilem agitsü asoshi jangraba Kohima district kübok aliba Football Club temi Kohima Town Club (KTC) den tongteprateptsü asoshi asayamung ayongertemi metetdaktsüogo.
Club temi parnok sasa Metsüremi (March) 31 nü 2:00 matong tsüngda Sports Paradise, Riiluo Market, Old Tata Parking, below North Police Station, Kohima nung züngoksemtsü asoshi metetdaktsüogo.
1buba edition nung shilem agiba club tem: Ziekezou Sporting Club, New Market Football Club, United 16 FC, Khriekesa FC, Nagabazar FC, Forerunner FC, Addax FC aser Powercomm FC danga Metsüremi 31 matong tsüngda parnok iba asayamung nung shilem agitsü asü magitsü iba osangji KTC züngsem mashi ka nem osang jangja agütsütsü asoshi asayamung ayongertemi mepeshia metetdaktsüogo.