Kohima Liangmai Baptist Church-i Khristmas yongya amung

Dimapur, December 18 (TYO): December 17, 2017 nü Kohima Liangmai Baptist Church-i parnok tenla kidang Advent Christmas ayonga amung.
Iba sentong nung Church secretary, Dr. Ratan Kaurintta-i Khristmas onük jembidang, Kümtetdakba Yisu Khrista asenok meimchir den alitsü atema alimai alu aser pa alima moatsü ta ashi.
Khristmas benjung ya alima ajunga nung Khristantemi amunger aser iba anogo nung Yisu Khrista asoba tenüngsanga amunger. Iba anogomung ya alima ajungalen Khristan aser tangartemi tamangba yimsü indang sodi anogo ka ama amunger, ta Dr. Ratan-isa ashi.
Asenoki Khristmas nung Yisu Khrista-i mapa inyakba ajak bilemteta pa nem tenüngsang agütsür aser iba mongpu ajanga tepela aser temeim bener arur. Taküm Khristmas asenoki tamang akangshidi aser Tsüngrem dang nungi anema aliba aser azükaru meshidi, ta paisa ayongzük.